طفولتك كعماني - اذا كنت من مواليد الثمانينات احلي ايام

الموضوع كتير حلو وبرجعنا لأيام زمان الحلوة
شو بتتذكروا من ماضيكم وانتو صغار؟؟ صغار يعني من سن يوم وحتى 10 سنين، وكوننا من مواليد التمانينات ففينا نقول من سنة 1980 ولحتى 1990، الشباب والصبايا اللي انولدوا بهالفترة شو بتذكروا منها؟

في كتيييييييير اشياء مشتركة بيناتنا واكيد رح نتذكر اشياء صارت معنا كلنا.. اول اشي ليش مواليد هالفترة مميزين؟ طبعا الجواب فيه انو الاردن ومعظم الدول العربية بدأت ازدهارها الحقيقي بعد عام 1980 على رأي معظم الناس وحتى الكبار بالعمر بعرفوا انو احلى الايام هي الايام اللي كان فيها كيلو الخبز 8قروش وكيلو السكر 15 قرش كانت امان والناس مسالمة وما فيه مشاكل والحياة رخيصة نوعا ما.. طبعا ازدهرت بلدنا عمرانيا وثقافيا وحضاريا بفترة قصيرة كتير، وايام طفولتنا بتختلف كتير عن ايامنا هاي بسبب النقلة النوعية في حياة الشعب الاردني.

طيب هلا تعو نتذكر سوا...
من لما صحّلك تطلع تلعب برّا البيت وانت ما بتفوته غير بعد ما تغيب الشمس، تمضيها لعب بالسهل وحولين البيت مع ابن او بنت الجيران (طبعا البيت اول بيت انبنى بالنطقة متل ما بحكوا كل الناس و جدك انعرضت عليه كل الاراضي في عمان الغربية ب 20 ليرو و ا قبل يشتريها فكرها رح اتضل مهجورة !!
كنا نحب بنلعب طماية او غماية وكلنا كنا نتخبا و نتفق على محل عشان نحكي كمستيررررررررررررررررر بس انا لهلأ ما بعرف شو يعني كومستير ؟ مين بعرف شو يعني ؟
عطا علي و جبري كانوا احسن مطعمين في عمان 
كان عنكم صوبة رومو اه ياسيديييييييييييي رومو يالله هات
كانوا اهلينا يخوفونا بأبو شاكوش و باليل نحلم فيه
كان عندك بسكليت bmxمن عند عصفوركو
اكيد كان في حملة العودة الى المدارس كنا نجلد و تاني يوم نفقع الbubbles بالحصة وكانوا الطوابع مكتوب عليهم الاسم و الموضوع و صورة ساني بيل للبنات و صورة جريندايزر للولاد

بتتذكر لما اجى جوز خالتك واخد امك واختك الكبيرة بنص الليل عند خالتك بالمستشفى يوم ما جابت ابنها اللي اصغر منك بكم سنة؟؟ يومها اجا بسيارته القديمة وراحوا وتركوك وانت تعيط وما حدا سائل عنك وصرت تركض وراهم وانت تنادي مااااااااماااااااا ولا حياة لمن تنادي وفجأة لقيت حالك بنص العتمة (لإنو تلات ارباع شوارع اربد ايامها كانت طافية!)، وبالاخير اتضطريت ترجع وتنخم تنام؟؟؟...
اما اول مشاويرك برّا البيت كانت لأحلى مكان.. وهو دكانة الحارة!!!... ويا عيني على الدكانة وما فيها ... بجوز بتتذكر الختيار صاحب الدكانة لما كنت تعطية العشر قروش ويقعد ساعة وهو يتطلع فيها ويقلّبها احسن لتكون شلن! واكيد بتتذكر كرسي صاحب الدكانة وهو عباره عن 20 - 30 كرتونة بيض فاضيات راصهن على بعض وعاملهن كرسي او كرسي او حبال
كلن كنا نحب (توتو) الله يرحم ايامها..; (توتو: هي عبارة عن قطعتين بسكوت بشكل مستطيل مغطسة بالشوكولاته ومحشية بالمارشميللو، والمارشميللو هي قشدة او كريمة لزجة يعني (بتمط!!!)).
و كانت الدعاية بالمسبح و بتقول احب توتو أه أه يييييه

كان عندك بكيت معجون تعمل في اشيكال غبية و بس نزهق بنكعبلوا كلوا و بتسير طابة لونها بني ما بتعرف كيف

وما كنت تبخل على حالك اكيد بالـ (روكو) وهي قرشلة مصنوعة بشكل طولي ومغطاة بالشوكولاته.. وبسكوت ماري وكان منو نوعين بشلن وبعشرة ومعظم الاوقات كنت تجيب ابو العشرة لانو حجمة ضعفين ونص من ابو الشلن..
وشيبس الفطوطة ابو القرشين ونص ولا شيبس البوشار ابو الشلن وكان عن تلات اكياس من اكياس اليوم، ولا ابو العبد (تلك الحلوى التي علمتنا ألا نحكم على الاشياء من ظاهرها.. وهي عبارة عن بسكوتة دائرية وعليها كريمة على شكل كرة ومغطاة بالشوكولاته)..
.. وما ننسى قباقيب غوار تلك السكاكر اللذيذة المصنوعة من السكر المضغوط والاصباغ الملونة... اما البوظة فحدث ولا حرج.. شوشو وجلاسّيه ودورادو والكف الاحمر اللي كان يخلي شفايفك حمر هههه

ويا عيني على سندويشات الماما اللي كانت تعبيلك كتب المدرسة زيت وزعتر وكنت توخد مصروفك شلن ما ننسسى منهج المدرسة كتاب العربي اخدنا عن ماما وبابا وباسم ورباب وبعدين ضافولك مازن وميسون مشان ما تزهق!!

واما التلفزيون فما كان غير محطة عمّان الي هي قناة الاردن اللي بتفتح من الـ6 المسا للـ 12 نص الليل وبعدها ترقّوا وصارت من الـ 4 المسا وبعدين صارت فترة صباحية ومسائية وكنت تحضر (جونكر، جرين دايزر، توم سوير، الحوت الابيض يوم الجمعة، عدنان ولينــــــا، وأشياء تانية!).. واكيد كتيرين منا من اللي اشتروا اهاليهم انتين خارجي وكان حقو ايامها فوق السبعين دينار مع المحول هاد، وهاد اكيد غير البرج المزخرف ، وطبعا مشان تيجي سوريا والشرق الاوسط واسرائيل،
.. اما البرامج ما تسألش، فكر واربح ومش عارف شو انا اللي بتذكروا لما غنى راغب علامة (حلوة يا ام الخال) وكان شعره طويل وطبعا الاغاني الاردنية ما بتنتسى.. (لولاكي) و (ماقدر اقوللك) و (بين العصر والمغرب) و(البنت الريفية) كلها اغاني ما بتنتسى.. واما الاغاني العربية فأكيد بتتذكر عمرو دياب لما كان شعرة (نيجرو) وغني (آيس كريم بجليم)
كانت لما تبدا كساندرا تلاقي كل شوارع عمان فاضية !!

ما احلى هديك الايام !

ازا عندكم ذكرى حلوة انا ما كتبتها شاركوني فيها وانا كل ما اتزر شي رح اكتبوا

ماأجمل تلك الذكريات

ايام الطفوله ومايتخللها من مواقف رائعه
**************
walaa alfaqeeh

كلماتك رائعه ومعانيها مميزه ..

مأراوع قلمك حين يصول ويجول
بين الكلمات تختار الحروف بكل أتقان ..
تصيغ لنا من الأبداع سطور تُبهر كل من ينظر إليها ..
دمت بحب وسعاده..
عامر الفقيه

مشكوورة اخت ولاء
الصحيح انة موضوعك شدني وعاد بي الى احلى ايام العمر
من بين ذكرياتي انني كنت استنا يوم الجمعه واصحى بدري عشان احضر ( مخلص صديق الحيوان )
ومن البرامج اللي بتذكرها ايضا ( افتح يا سمسم) و ( المناهل)
وبتذكر اني كنت اموت على ( امطعم لحبال) الثنتين بقرش و ( شيبس فطوطة ) و ( الراحة والبسكوت ) وبتذكر كانو يعملونا حليب بالمدرسة
ويشربونا اياه بالفرصة
وكنا بعد المدرسة ننزل على جبل الزيتون والمروج انلقط ( دوم ) و ( بلوط ) و ( نبج )
ايام لن تنسى من ذاكرتي
اسف للاطالة
وتقبلي مروري

مشكوره على الموضوع الجميل بس انا من مواليد 1992

تعليقك كتير حلووو و وصفك الدقيق كان احلى اخ فادي
تقبل مروري

يعطيك الف عافيه
[وحدهم المديرون لديهم صلاحيات معاينة هذه الصورة]

الاخــــــــت الاردنيــــــــــــة

شكـــــــــرا لــــــــك على مرورك الرائــــــع على تعليقــــي

[وحدهم المديرون لديهم صلاحيات معاينة هذه الصورة]

مشكوورة اخت ولاء
الصحيح انة موضوعك شدني وعاد بي الى احلى ايام العمر

لم يبقى منها الا الرماد وبقايا البارود